AAJ

kya hai ye aaj

kab aata hai aaj

kab jaata hai aaj

jaake phir kyun aajaata hai aaj

sab par kyun chhata hai aaj

wo kehte hai wo jeete hai aaj mein

maine kaha, kya paate hain aaj mein

wo kehte hain, khush rehte hain aaj mein

maine poochha kya kisi ko khush rakh paate hain aaj mein

kisi ne kaha aaj kuchh ban ke dikhao

kisi ne bola kuchh kar ke dikhao

kisi ki khwaish thi humare aaj se apna kal sajane ki

kisi ki koshish aaj or kal ke chakkar mein humein khud hi ulajhane ki

lekin hum......hunh!?!

hum kabhi aaj mein jee na paye

kisi ko aaj mein paa bhi na paye

aaj ko kal par taalte chale gaye

zindagi ko yun hi fanaa karte chale gaye

lekin aaj ek nayi umang hai

dil mein ajab si tarang hai

kyun na aaj ke saath apna bhi kal safal bana dein

apni aarzuon ko ek alag nayi disha dein

to sabhi se ye guzarish hai, ye kavita padhne walo

aaj ki kadar kar, khud ko sanwaro

kisi kal ke intezaar mein, meri tarah

hapna jeewan na ujado.....na ujado